ٹھہری تھی در و بام پہ ویراں سی اداسی
اس شام عجب شامِ غریباں سی اداس
لگتا ہے مِرے گھر کے در و بام سے ایسا
بھٹکے ہے یہاں بے سر و ساماں سی اداسی
میں شہر میں ہوں لوگ ہیں اطراف میں پھر بھی
رہتی ہے ہر اک سمت بیاباں سی اداسی
پتھرائی ہوئی آنکھ سے لپٹی ہوئی اک یاد
بے نور چراغوں میں چراغاں سی اداسی
تنہا مجھے ہونے نہیں دیتی کسی لمحے
رہتی ہے مِرے ساتھ پریشاں سی اداسی
ہنسنے نہیں دیتی مجھے رونے نہیں دیتی
چپ چاپ سلگتی ہے پشیماں سی اداسی
فرح کامران
No comments:
Post a Comment