دنیا کے جھمیلوں میں شامل کچھ جھوٹے سچے وعدے ہیں

دنیا داری

 

دنیا کے جھمیلوں میں شامل 

کچھ جُھوٹے سچے وعدے ہیں

کچھ درد بھرے سمجھوتے ہیں

کچھ خالص دنیا داری ہے 

کچھ بھید بھری عیاری ہے 

کچھ پیر میں بیڑی سے رشتے 

کچھ رات کی رانی کے جیسے

کچھ عادت جیسے دوست بھی ہیں

کچھ فطرت جیسے موڑ بھی ہیں 

کچھ رنگ رنگیلے جذبے بھی 

کچھ سیاہی جیسے سوگ بھی ہیں

کچھ بنتے بگڑتے سے تعلق 

کچھ دل کے پرانے روگ بھی ہیں 

کچھ مال و منال کے جھگڑے بھی

کچھ سود و زیاں کے کھیل بھی ہیں

دنیا کے جھمیلوں میں شامل 

اک تم بھی ہو 

اک ہم بھی ہیں 

ثمینہ رشید