اک عمر سے رہتی ہوں پریشان، مِری جان
سُولی پہ لٹکتی ہے مِری جان، مِری جان
آنکھوں میں اترتی ہے کسی عکس کی الجھن
جب دیکھتی ہوں آئینہ حیران، مِری جان
تعبیر کی حسرت میں جنہیں نیند پکارے
پلکوں پہ دھرے خواب ہیں ویران، مِری جان
خوشبو کا پتا پوچھتی گم نام ہوائیں
پھولوں کو صدا دیتے ہیں گلدان، مِری جان
کیوں شام سے تم خود سے خفا بیٹھی ہوئی ہو
کچھ بولو بھی نا منہ سے فرح خان، مِری جان
فرح خان
No comments:
Post a Comment