جب مِرے زخم مِرا اپنا مقدر نکلے
کیوں مِرا درد مِرے جسم سے باہر نکلے
حاکمِ وقت کی آنکھوں میں جب ضیا نہ رہی
لوگ چہروں پہ سجائے ہوئے منظر نکلے
کِتنے مخلص تھے مِری ذات سے ارمان مِرے
جو مِرے جسم سے اک جان ہی لے کر نکلے
میرے الفاظ مِری سوچ کے سانچے میں ڈھلے
میرے اشعار مِری ذات کے پیکر نکلے
میرے اشکوں نے ڈبویا ہے ہمیشہ مجھ کو
یہ تیری یاد، کہ قطرے بھی سمندر نکلے
ش زاد
شین زاد
No comments:
Post a Comment