بے مول ہے تو

 بے مول ہے تُو

مِرے دل تو مجھ سے خفا نہ ہو

تِری آہیں اور تِری سسکیاں

مجھے بے قرار کئے رہیں

میں گئی تھی اس کی گلی میں کل

وہاں تیری کوئی جگہ نہیں

وہ کبھو کا غیر کا ہو چکا

ہیں وہاں ترازو لگے ہوئے

کئی باٹ اور کئی پلڑے ہیں

وہاں سونے چاندی کا مول ہے

وہاں کھنکھاتی اشرفیاں

وہاں تیرا کوئی نہیں ہے مول

وہاں تیری کوئی جگہ نہیں

وہ سنہرے اور روپہلے خواب

نہیں ان کی کوئی حقیقتیں

تُو بھی خیر سے انہیں بھول جا

تھا محبتوں کا جو سلسلہ

وہ عداوتوں سے بدل گیا

وہاں اب ہیں صرف عداوتیں

مِرے دل تُو مجھ سے خفا نہ ہو

وہاں تیری کوئی جگہ نہیں

شازیہ مفتی