خیال یار کو جگنو بنا دیا گیا ہے

 خیالِ یار کو جگنو بنا دیا گیا ہے

تمہاری یاد کو خُشبو بنا دیا گیا ہے

غزل میں درد کو ایسے سمیٹ لائی ہوں

اسے بهی چیختا آہو بنا دیا گیا ہے

ہر ایک شے میں مجهے تو دکهائی دینے لگا

تجھے بھی جیسے کہ ہر سو بنا دیا گیا ہے

تمہارے بن یہ مری ذات نا مکمل تهی

سو میرے واسطے اب تو بنا دیا گیا ہے

اس اک چراغ سے کتنے چراغ جلتے ہیں

نگاہِ یار کو جادو بنا دیا گیا ہے

تِرے سوا مجهے کچھ بهی نظر نہیں آتا

مِری نگاہ کو یکسو بنا دیا گیا ہے

فرح شاہ