یوں تِری یاد میں کھو گئے
ہم تھے کیا اور کیا ہو گئے
اک نئی صبح کا خواب ہم
دیکھتے دیکھتے سو گئے
شہد کی فصل سے کیا گِلہ
زہر تو آپ ہم بو گئے
آخرِ شب مِرے اشکِ غم
داغِ قلب و جگر دھو گئے
کتنے فاخر مِرے سامنے
کیا سے کیا، کیا سے کیا ہو گئے
فاخر جلالپوری
رنگ اردو دنیا بھر کے نامور کلاسیک اور نوجوان اردو شعراء کے شاہکار کلام پر مبنی بلاگ🌷Rung E Urdu a blog of worldsfamous poetry of past & present era
No comments:
Post a Comment