گلیوں میں کھیل کُود کھلونوں کا کام ختم
اس پر شباب آتے ہی جھُولوں کا کام ختم
اب اس کی یاد آئی ہے جی لگ نہیں رہا
گھنٹوں میں کر رہا ہوں میں لمحوں کا کام ختم
کل اس کے ہونٹ دیکھ کے تتلی نے یہ کہا
بس ہو گیا جہان سے پھُولوں کا کام ختم
کہہ کہہ کے اس پہ شعر مِرا نام ہوا ہے
ورنہ تو ہونے والا تھا غزلوں کا کام ختم
جو اس کو آج دیکھ کے لوٹیں ہیں اپنے گھر
وہ کہہ رہیں ہیں ہو گیا آنکھوں کا کام ختم
ورون آنند
No comments:
Post a Comment