دے خدا وسعت تو سب کے کام آنا چاہیے

دے خدا وسعت تو سب کے کام آنا چاہیے

دل میں دشمن کے بھی گھر اپنا بنانا چاہیے

آپ کے دل میں جگہ میرے لیے کیا سچ ہے یہ

اللہ، اللہ، اس سے بہتر کیا ٹھکانہ چاہیے

گر کبھی نفرت کی کوئی لہر اٹھے قلب سے

جس طرح ہو اس کو تو قابو میں لانا چاہیے

بانٹتے ہی چاہیے رہنا محبت کے گلاب

دل کے گلشن کو کہا کس نے سجانا چاہیے

انجمن کوئی ہو اور دامن کسی کا بھی ہو وہ

خوشبوؤں میں سب کے دامن کو بسانا چاہیے

راز دل افشا نہ ہو، حسان! ہے بہتر یہی

حال دل کھل کر کبھی لب پر نہ لانا چاہیے

محمد حازم حسان