جواب ایسا تراشو سوال جلتا رہے
یقیں کی آگ میں ہر احتمال جلتا رہے
اسی لیے تو بکھیری ہے سورجوں نے تپش
محیطِ دشت کسی کا خیال جلتا رہے
ابھی نئی نئی شہرت ہے شاعری میں مِری
عروج ابھی وہ کہاں کہ زوال جلتا رہے
بدلتی رُت کے بدلتے اصول اپناؤ
فراق ایسا نبھاؤ وصال جلتا رہے
کچھ اس طرح سے لکھو آج بیش و کم کا نصاب
تعلقات میں ہر اعتدال جلتا رہا
اب اس طرح کی تمازت اتار سانسوں میں
بس اک گھڑی کے جہنم میں سال جلتا رہے
تمام دن میں ہوائیں سنبھالتا ہوں جبھی
چراغ رات کو ہو کر بحال جلتا رہے
بس ان لبوں سے تقاضا ہے اب یہی عباس
اک ایسا لمس عطا ہو کہ گال جلتا رہے
حیدر عباس
No comments:
Post a Comment