اِک ستارے کو کہکشاں کر دیں
یعنی سورج کو آسمان کر دیں
ایک ہاتھوں کا دل بنا کر ہم
اُس کو وعدوں کا پاسباں کر دیں
آؤ اب ایک ساتھ چل کر ہم
خار زاروں کو گُلستاں کر دیں
خواب تھکنے لگے ہیں آنکھوں میں
ان کی تعبیر کو عیاں کر دیں
وحشتِ قرب راس آئے گی
خواہشِ وصل کو عیاں کر دیں
آؤ مشترکہ خواہشیں باندھیں
اس پہ پھر دل کو رازداں کر دیں
اب کے سوچا ہے زندگی اپنی
نام تیرے ہی جانِ جاں کر دیں
فضہ بتول
No comments:
Post a Comment