تم ایسے مجھ میں سمانا کمال کر دینا
مِرے وجود کو اپنی مثال کر دینا
کہیں یہ رسم محبت کی ابتدا تو نہیں
تِرا جواب نہ دینا سوال کر دینا
بچھڑ کے مجھ سے اکیلے اداس تم ہی نہیں
مجھے بھی آتا ہے ماضی کو حال کر دینا
انا پرست تھا لیکن تمہیں نے سکھلایا
خودی کا کیف بہ رنگ جمال کر دینا
یا چھین لینا مِرا حافظہ بھی تم مجھ سے
یا دلبری کا وہ منصب بحال کر دینا
اسے عطا ہوا اکمل یہ فن سحر و فسوں
بس اک نظر سے ہی ممکن محال کر دینا
افضال اکمل قاسمی
No comments:
Post a Comment