تمہیں خبر ہی نہیں کہ یہ جو تمہارا دکھ ہے

تمہیں خبر ہی نہیں کہ یہ جو تمہارا دُکھ ہے

ہمارے رہتے ہوئے تو یہ بهی ہمارا دکھ ہے

ہمیں اکیلے ہی سفر کرنے کی عادتیں ہیں

ہم ایسے لوگوں کے واسطے ہر سہارا دکھ ہے

میں وہ نہیں ہوں جو رو کے شکوہ کروں خدا سے

مجھے خوشی ہے خدا نے مجھ پر اتارا دکھ ہے

مِری نگاہوں سے تیری تصویر ہٹ گئی ہے

اب ان نگاہوں کے واسطے ہر نظارہ دکھ ہے

میں پوچھ بیٹھا تھا بزم میں کہ یہ عشق کیا ہے

تو ایک بندہ بغیر سوچے پکارا، دکھ ہے

وہ بات یہ ہے کہ ہم تمہیں دل سے چاہتے ہیں

اسی لیے تو تمہارا دکھ بھی ہمارا دکھ ہے

جاوید مہدی