راشدہ رُوٹھی ہوئی رُت کو منانے کے لیے
چاند پھر جھیل میں اُترا ہے نہانے کے لیے
پھر سے برسات کے موسم نے قیامت کر دی
دل ہے بے تاب تِرے قُرب کو پانے کے لیے
روز دریا کے کنارے پہ چلی جاتی ہوں
پانیوں پر میں تِرا نقش بنانے کے لیے
نرم یادوں بھرے کچھ عکس سمیٹے میں نے
اور کچھ پھُول چُنے آئینہ خانے کے لیے
کتنے نادیدہ زمانوں سے گُزرنا ہے ابھی
کُوزہ گر آنکھ میں اُس کی مجھے آنے کے لیے
میری آنکھوں کو پڑھے وہ بھی تو ماہین ملک
کاش کچھ رنگ محبت کے چُرانے کے لیے
راشدہ ماہین ملک
No comments:
Post a Comment