عارفانہ کلام نعتیہ کلام
زلفِ سرکارؐ سے جب چاند چمکتا ہو گا
مہر بھی دیکھ کے آنکھوں کو جھپکتا ہو گا
رشک سے قطرۂ شبنم اسے تکتا ہو گا
چشمِ سرکارؐ سے آنسو جو چھلکتا ہو گا
میرے سرکارؐ جہاں سے بھی گزرتے ہوں گے
راستہ خلد کی خوشبو سے مہکتا ہو گا
شاہِ لولاکؐ کے ٹکڑوں پہ جو پلتا ہے وہ
در پہ اغیار کے ہرگز نہ بھٹکتا ہو گا
ہو کسی غم کی جگہ اس میں مزمل کیسے
یادِ سرکارؐ میں جو دل بھی دھڑکتا ہو گا
مزمل شاہ
No comments:
Post a Comment