مدینے کی محبت ہی مرے دل کا ہے سرمایہ

عارفانہ کلام نعتیہ کلام

مدینے کی محبت ہی مِرے دل کا ہے سرمایہ

جو ان کی یاد میں گزرا وہ پل میرا ہے سرمایہ

نبی پاکؐ کی الفت ہی اک مومن کی دولت ہے

نبی پاکؐ کا ہی عشق مومن کا ہے سرمایہ

نبیؐ کی بات کرتے ہیں نبیؐ کا ذکر کرتے ہیں

یقیں ہے اس سے نیک اعمال کا بڑھتا ہے سرمایہ

درود پاکﷺ پڑھتا ہے درود پاک سنتا ہے

حقیقت میں یہی تو اک مسلماں کا ہے سرمایہ

وہ جس کے لب پہ رہتی ہے درود پاک کی کثرت

خدا اس کو نبیﷺ کی چاہ کا دیتا ہے سرمایہ

بسا رکھا یے ان کی یاد سے دل کا نہاں خانہ

یہ اس دنیا کے یر سرمائے سے اعلی ہے سرمایہ

جو ہم میلاد کی محفل سجا کر آج بیٹھے ہیں

اگر سمجھو حقیقت میں یہئ اپنا یے سرمایہ

مقدر سے جو مل جائے گدائی آپؐ کے در کی

بھلا اس سے بھی بڑھ کر آپ نے دیکھا ہے سرمایہ

مدینے کے سفر کا اذن دیکھیں کس گھڑی ہو گا

یہی امید اور یہ آس ہی میرا ہے سرمایہ

محمدؐ مصطفیٰ کی نعت جو لکھی ہے میں نے عکس

تو لگتا ہے کی میرے ہاتھ کچھ آیا ہے سرمایہ

لبنیٰ عکس