عارفانہ کلام نعتیہ کلام
نبیؐ کے پیار میں جتنے بھی اشکبار ملے
جہانِ عشق میں وہ لوگ تاجدار ملے
ہمیشہ زندگی میری بھی خوشگوار ملے
حضورﷺ آپ کا رہنے کو گر، دیار ملے
پسینہ جن کو ملا ہے رسول اکرمﷺ کا
تو ان کی آل کے غنچے بھی خوشبو دار ملے
عطا ہو دید پیمبر مجھے بھی اے مولیٰ
تو بے قراری کو جا کر مرے قرار ملے
لگاؤں آنکھ میں سرمہ بنا کے میں اپنی
نبیﷺ کے شہر کا مجھ کو اگر غبار ملے
نبیؐ کی ہمسری کرتے ہیں جو بھی دنیا میں
اڑا دوں گردنیں، مجھ کو جو اختیار ملے
جو ان کے عشق میں کرتے ہیں جاں فنا اپنی
وہی حلیم زمانے میں ذی وقار ملے
عبدالحلیم گونڈوی
No comments:
Post a Comment