نعت شریف
نام احمدﷺ سے یہاں جس کو محبت ہو گی
ربِ کعبہ کو فقط اس سے ہی قربت ہو گی
مرحبا صلے علی کی ہیں صدائیں لب پر
روزِ محشر میں یہی ورد ضمانت ہو گی
نعت پڑھتے ہوئے پہنچوں جو میں شہرِ طیبہ
اے خدا! کب یہ گنہ گار کی قسمت ہو گی
نقشِ پا دیکھ کے سرکارؐ کا اقصیٰ نے کہا
سارے نبیوں کی یہاں آج امامت ہو گی
سبز گنبد کی زیارت کا شرف بھی ہو گا
شہِ طیبہ کی عنایت ہی عنایت ہو گی
مدحتِ سیدِ کونینﷺ میں خامہ ہے تر
اسی نسبت سے رئیس اپنی شفاعت ہو گی
رئیس احمد
No comments:
Post a Comment