بکھرا ہوا ہے درد اب کے خزاں میں
دستورِ ستم نافذ ہے بزمِ جہاں میں
وقت کی چکی نے کیا تخت کو تختہ
سوئے ہوئے تھے تاجدار خوابِ گراں میں
یہ خوابیدہ آنکھیں ستارے تو نہیں ہیں
کیوں ڈھونڈتا ہے ان کو توکہکشاں میں
کی ایسے التجا کہ وہ مان ہی گئے
کچھ ایسا سوز تھا میرے اندازِ بیاں میں
اس ہجومِ شہر سے گبھرا گئے تو ہم
جا کے ہوئے مکیں پھر دشتِ ویراں میں
اشکوں کی روانی کو پلکوں پہ تھا روکا
پھوٹ پڑے ساگر پھر چشمِ رواں میں
فاروق طاہر
No comments:
Post a Comment