دل مضطرب ٹھہر جا یہ مقام عاشقی ہے

عارفانہ کلام نعتیہ کلام

دلِ مضطرب ٹھہر جا یہ مقامِ عاشقی ہے

یہاں زندگی ہے لیکن وہاں اوجِ زندگی ہے

تیرے گھر کے سامنے ہے یہ میرا وجود فانی

جو نہ بجھ سکی ابھی تک تو یہ کیسی تشنگی ہے

وہاں جا کے میں نے جانا وہاں جا کے میں نے سمجھا

میری زندگی نے کی جو میرے ساتھ دل لگی ہے

سنی ہر دعا خدا نے درِ مصطفیٰؐ کے صدقے

بھلا اس سے اور آگے کیا مقامِ بندگی ہے

مجھے شوق بندگی ہے انہیں ذوقِ آگہی ہے

درِ مصطفیٰﷺ سے پائی ممتاز سادگی ہے

ممتاز ملک