عارفانہ کلام نعت و منقبت
جن کے روضے پہ اتریں فرشتے مدام
انؐ پہ اربوں درود ان پہ کھربوں سلام
صبح ستر ہزار،۔ اور اتنے ہی شام
ان پہ اربوں درود ان پہ کھربوں سلام
جن کا محمودؐ، احمدؐ، محمدﷺ ہے نام
ان پہ اربوں درود ان پہ کھربوں سلام
جو ہیں خیرالبشرؐ، جو ہیں خیرالانامِ
ان پہ اربوں درود ان پہ کھربوں سلام
جن کا الله سکھائے ہمیں احترام
ان پہ اربوں درود ان پہ کھربوں سلام
جن کی ہے صوت پر فوق مطلق حرام
ان پہ اربوں درود ان پہ کھربوں سلام
جن کا روضے میں ہے ساتھ ان کے قیام
ان پہ اربوں درود ان پہ کھربوں سلام
بعد نبیوں کے ہے جن کا اونچا مقام
ان پہ اربوں درود ان پہ کھربوں سلام
روز محشر جو آئیں گے پیاسوں کے کام
ان پہ اربوں درود ان پہ کھربوں سلام
اپنے ہاتھوں پلائیں گے کوثر کے جام
ان پہ اربوں درود ان پہ کھربوں سلام
جن کے مرکب کی جبریل تھامے لگام
ان پہ اربوں درود ان پہ کھربوں سلام
عرش جن کے لیے صرف دو چار گام
ان پہ اربوں درود ان پہ کھربوں سلام
جن کے روضے پہ ہر دم ہے اک اژدھام
ان پہ اربوں درود ان پہ کھربوں سلام
جن پہ مرنے کو حاضر ہیں لاکھوں غلام
ان پہ اربوں درود ان پہ کھربوں سلام
پاک ہیں جن کے سب اہل بیتؑ عظام
ان پہ اربوں درود ان پہ کھربوں سلام
جن کے پیارے نواسے ہیں میرے امام
ان پہ اربوں درود ان پہ کھربوں سلام
آخری جن پہ اترا خدا کا کلام
ان پہ اربوں درود ان پہ کھربوں سلام
جن پہ نبیوں رسولوں کا ہے اختتام
ان پہ اربوں درود ان پہ کھربوں سلام
جن کو حاصل ہے مر کر حیات دوام
ان پہ اربوں درود ان پہ کھربوں سلام
جو ہیں روضے میں سنتے صلاة و سلام
ان پہ اربوں درود ان پہ کھربوں سلام
ان کے اوصاف سلمان گیلانی میں
کس زباں سے کہوں کس قلم سے لکھوں
بس میں کرتا ہوں نعت اپنی اس پہ تمام
ان پہ اربوں درود ان پہ کھربوں سلام
سلمان گیلانی
No comments:
Post a Comment