میں نہیں ہوں تو اذیت ہے اذیت لکھنا

 میں نہیں ہوں تو اذیت ہے اذیت لکھنا

کورے کاغذ پہ محبت نہیں ہجرت لکھنا

جیسے خوشبو کا نہیں قید، مِرے بارے میں

آپ کو کچھ بھی ہے لکھنے کی اجازت لکھنا

زندگی جو بھی ہے ہر شخص کی اپنی رائے

میں اگر جنگ لکھوں،۔ آپ محبت لکھنا

اتنا کافی ہے تِرا ہجر ہے، بے چینی ہے

باقی مشکل ہے مِری جان وضاحت لکھنا

جس میں ہر لمحہ شکستوں کا دُھواں اُٹھتا ہو

ایسے بیمار خیالوں کو مصیبت لکھنا

غیر کے نام کی مہندی نے یہ تحریک دیا

دستِ جاناں کو ہما خون سے لت پت لکھنا

خالد ہما