نصرت حضور اس نے تو پا لی ہے آپ کی

 عارفانہ کلام حمد نعت منقبت

نصرت حضورؐ اس نے تو پا لی ہے آپﷺ کی 

جس نے بھی نعت دل میں بسا لی ہے آپﷺ کی

جس نے بھی نعت دل میں بسا لی ہے آپﷺ کی

نصرت حضورؐ اس نے تو پا لی ہے آپﷺ کی 

سارے جہاں میں ان کی بھی توقیر بڑھ گئی 

جب سے گُلوں نے خُوشبو چُرا لی ہے آپﷺ کی

ہر ایک  کی زباں پہ درودﷺ و سلام ہیں

کون و مکاں میں ذات مثالی ہے آپﷺ کی

دنیا کو آپؐ رب کی طرف لے کے آئے ہیں

خلقت خُدا کے در پہ سوالی ہے آپﷺ کی

چھُپ جائیں گے ہمارے سبھی عیب یا نبی ﷺ

 سر پر ہمارے  کملی جو  کالی ہے آپﷺ کی

محسن دوست

تمام احباب کو عیدالفطر مبارک ہو۔