چھُپاؤ گے اشکوں کی برسات کب تک
محبت کی زائل علامات کب تک
کبھی آتشِ حُسن سے آنکھ تاپی
حرارت کے دل میں ہیں جذبات کب تک
کبھی بعد مُدت کے ہم یاد آئیں
ہو پانی میں عکسِ ملاقات کب تک
تمہیں چین لینے نہیں دیں گی یادیں
وہ بھیگے کا لمسِ مراعات کب تک
کوئی نقش ہوں گے نہاں جا بجا بھی
گئے وقت جیسے مضافات کب تک
ہو زہرہ نشاں نقش کچھ تو جبیں پر
سخنور کو کافی ہو سوغات کب تک
زہرہ مغل
No comments:
Post a Comment