سُن لے تخت پہ بیٹھنے والے
سُن لے
ہم سے روٹی چھیننے والے سُن لے
یہ تو طے ہے بھُوک ہماری
نفرت کی منہ زور آندھی میں بدل چکی ہے
جب یہ نفرت طُوفانی غصے میں ڈھل کر
تیرے گھر تک پہنچے گی
آگ لگے گی
خُون بہے گا
تیرے جلتے دروازوں کی گُھٹی ہوئی بے ہنگم چیخیں
میرے بچوں کی کُرلاتی بھُوک کے نوحوں سے ٹکرا کر
واپس تجھ تک پہنچیں گی
جب پہنچیں گی
تجھ کو تیرے تخت سے نفرت ہو جائے
فرحت عباس شاہ
No comments:
Post a Comment