عارفانہ کلام حمد نعت منقبت
دلِ بے تاب تُو ہے کس لیے نم دیدہ نم دیدہ
وہ پردہ پوش ہیں ان کا کرم پوشیدہ پوشیدہ
یہ ممکن ہے نقابِ حسن کے پردے سرک جائیں
نگاہیں عشق کا ہے دیکھنا دزدیدہ دزدیدہ
تو وہ ہے شمعِ توحید جس کے حسن کے اوپر
جسے دیکھا وہ ہے پروانۂ نادیدہ نادیدہ
ہمیں پر ہی نہیں موقوف دعویٰ عشق کا کرنا
خدا خود کملی والے کا ہوا گرویدہ گرویدہ
شبِ معراج حق نے یوں کہا سب بخش دی امت
میرے محبوب تُو ہے، کس لیے رنجیدہ رنجیدہ
اے واعظ! تُو نہ کر کوشش سمجھ میں آ نہیں سکتا
یہ نکتہ عشق کا ہے کچھ عجب پیچیدہ پیچیدہ
امیر صابری جانا سنبھل کر کوئے جاناں میں
وہاں پر ہر قدم پر ہر قدم لرزیدہ لرزیدہ
امیر بخش صابری
No comments:
Post a Comment