اہل ایماں کو گل تر نظر آتے ہیں حسین

 عارفانہ کلام حمد نعت منقبت

اہلِ ایماں کو گلِ تر نظر آتے ہیں حسینؑ

اور کبھی ان سے بھی بڑھ کر نظر آتے ہیں حسینؑ

یوں تو ہم شکلِ پیمبرﷺ نظر آتے ہیں مگر

حالتِ جنگ میں حیدرؑ نظر آتے ہیں حسینؑ

جس طرح چاند بدل لیتا ہے شکلیں اپنی 

کبھی اصغرؑ کبھی اکبرؑ نظر آتے ہیں حسینؑ

کرتے ہیں دوشِ پیمبرﷺ پہ سواری پہلے 

اور پھر نوکِ سناں پر نظر آتے ہیں حسینؑ

پہلے بے گھر نظر آتے تھے سرِ دشتِ بلا 

دشت کے بعد تو گھر گھر نظر آتے ہیں حسینؑ

ایسے لگتا ہے کنارے سے سفینہ حُر کا 

جاگ اٹھتا ہے مقدر نظر آتے ہیں حسینؑ

عقل اور عشق بھی جھگڑا نہیں کرتے اس پر 

زیف دونوں ہی کو حق پر نظر آتے ہیں حسینؑ

حماد زیف