عارفانہ کلام حمد نعت منقبت
خانۂ دل کو درودوں سے سجایا ہوا ہے
آپؐ کے ذکر نے ہر غم سے بچایا ہوا ہے
اشک پلکوں پہ لکھے جاتے ہیں کیفیت دل
نیند نے روح میں اک خواب جگایا ہوا ہے
نغمۂ عشقِ نبیﷺ گونج رہا ہے ہر سُو
سینۂ دہر میں قرآن سمایا ہوا ہے
اُس کی خوشبو سے مہکتا ہے مِرا گھر آقاؐ
آپﷺ کے شہر سے اک آدمی آیا ہوا ہے
ہم پہ لازم ہے کہ اُس نام پہ مر مٹیے سلیم
جس نے اللہ کو گرویدہ بنایا ہوا ہے
سلیم کوثر
No comments:
Post a Comment