عارفانہ کلام حمد نعت منقبت
علیؑ کے چاہنے والوں کے دل کالے نہیں ہوتے
جہاں نورِ ولایت ہو وہاں تالے نہیں ہوتے
علیؑ زادوں نے بتلایا تحفظ کر کے عثماںؓ کا
جو رکھیں بُغض عثماںؓ سے علیؑ والے نہیں ہوتے
سرِ غار آپؐ کے دشمن ہوئے خود سے مخاطب یوں
اگر ہوتے یہیں دونوں تو یہ جالے نہیں ہوتے
صحابہؓ سے عداوت بغضِ حیدرؑ کی نشانی ہے
علیؑ کے وہ کسی صورت بھی متوالے نہیں ہوتے
علیؑ کے پیار نے نادر جِلا بخشی ہے ایماں کو
بھٹکتے ہیں وہ، حیدرؑ کے جو سنبھالے نہیں ہوتے
ابوبکر نادر
No comments:
Post a Comment