عارفانہ کلام حمد نعت منقبت
سُوئے کربلا
وادئ عشق میں سرخ پرچم لیے
پا برہنہ ہیں عشاق کے قافلے
چار جانب ہے شوق ملاقات کا
ایک محشر بپا
چومتی ہے جبینوں کو خاک شفا
وادئ عشق سے آ رہی ہے صدا
اک نگاہ کرم اے شہ نینوا
تا بہ حد نظر عشق مُشکل کشا
اور لبوں پر ولایت کا آبِ بقا
بیعت عشق سے گونجتی ہے فضا
پاؤں تھکتے نہیں
آنکھ لگتی نہیں
ہجر کی یہ کڑی رات کٹتی نہیں
اک تلاطم ہے شوق ملاقات کا
حسرت دید ہے حجت وقت کی
العجل اے انیس دل عاشقاں
العجل اے ندائے دل خستگاں
معصومہ شیرازی
No comments:
Post a Comment