عارفانہ کلام حمد نعت منقبت
تمام ارض و سما، مہر و مہ کا محور ہے
کہ تُو ہی خالقِ کل تُو ہی ربِ اکبر ہے
تِری بلندی سے ساری بلندیاں ہیں نگوں
کہ ختم تجھ پہ ہی سب مِدحتوں کا دفتر ہے
یہ رنگ و نور، بہار و خزاں، یہ لالہ و گل
یہاں وجود میں جو شے ہے تیری مظہر ہے
کوئی حساب نہ حد ہے تِری تجلّی کا
کہ ذره ذرہ تِرے نُور سے منوّر ہے
چراغ طور علامت ہے، میرے مولا! تو
ہر اک بھٹکتی ہوئی زندگی کا رہبر ہے
تمام راحتیں، ساری سخاوتیں تیری
کہ عاصیوں کی اُمیدوں کا تُو ہی محور ہے
انیس دہلوی
No comments:
Post a Comment