عارفانہ کلام حمد نعت منقبت
اقراء باسمہہ رب کے نام
قرآں کا اُترا ہے پیغام
تُو ہے مولا، علیم و خبیر
داتا، آقا، سمیع و بصیر
ہم پہ کرم کر ربِّ کریم
حمد ہے تیری پیارے حکیم
ہادی و رہبر نیک ملیں
ایک سے بڑھ کر ایک ملیں
فکر و نظر میں وسعت دے
علم و عمل کی دولت دے
ذہن و دل میں ذوق و شوق
کاٹوں قلم سے جہل کا طوق
سچی ہدایت دے یا رب
نور صداقت دے یا رب
ننھے ہونٹوں کی مُسکان
نورِ مجسم ہو ایمان
خاکِ وطن کی شان بنیں
آدم کی پہچان بنیں
اشہد کریم الفت
No comments:
Post a Comment