عارفانہ کلام حمد نعت منقبت
ہو شوق کیوں نہ نعت رسولؐ دو سرا کا
مضمون ہو عیاں دل میں جو لولاک لما کا
تھی بعثت رسولﷺ خداوند کو منظور
تھا پھل وہ بشارت کا نتیجہ تھا دعا کا
پہنچا یا ہے کس اوج سعادت پہ جہاں کو
پھر رتبہ ہوکم عرش سے کیوں غار حرا کا
معراج ہو مومن کی نہ کیوں اس کی زیارت
ہے خُلد بریں روضۂ پُر نُور کا خاکا
دے علم و یقیں کو مِرے رفعت شہ عالمؐ
نام اونچا ہے جس طرح صفا اور حرا کا
یوں روشنی ایمان کی دے دل میں کہ جیسے
بطحا سے ہوا جلوہ فگن نُور خدا کا
ہے حامی و ناصر جو مرا شافعِ عالمؐ
کیفی مجھے اب خوف ہے کیا روز جزا کا
کیفی دہلوی
دتا تریہ کیفی
No comments:
Post a Comment