غم دل کہ دل کو دُکھانا پڑے گا
ہمیں آج پھر مُسکرانا پڑے گا
وہ پھر مل گیا ہے ہمیں اتفاقاً
کہ پھر ہاتھ رسماً ملانا پڑے گا
نہیں دیکھا جاتا ہے غم بجلیوں کا
ہمیں خُود نشمین جلانا پڑے گا
اگر تجھ کو رہنا ہے شیشے سلامت
تو ہاتھوں میں پتھر اُٹھانا پڑے گا
بجانے لگے گا جو دُھن سازِ قُدرت
اُسی دُھن میں انساں کو گانا پڑے گا
مہک گھر میں جب تک جواں بیٹیاں ہیں
بُڑھاپے کو تب تک کمانا پڑے گا
مہک کیرانوی
No comments:
Post a Comment