عارفانہ کلام حمد نعت منقبت
یونہی زبان کو مِدحت عطا نہیں ہوتی
وضو نہ آنکھ کا ہو تو ثنا نہیں ہوتی
ثنائے سرورِ عالمﷺ سے دل معطر ہے
کہ میرے قلب سے خوشبو جدا نہیں ہوتی
نمیدہ آنکھ سے مانگو جو شاہِ بطحہؐ سے
بتاؤ کون سی مُشکِل کُشا نہیں ہوتی
رہوں حضورؐ کے قدموں میں حوضِ کوثر پر
دعا زبان پہ اس کے سِوا نہیں ہوتی
سبیلِ گنبدِ خضریٰ ہے اور میں عاطف
مقامِ فقر پہ دنیا کی جا نہیں ہوتی
عاطف جاوید عاطف
No comments:
Post a Comment