وہی ہے روشنی جس سے ہے جہاں منور

 عارفانہ کلام حمد نعت منقبت

وہی ہے روشنی جس سے ہے جہاں منور

مدینۂ نبیﷺ کے ہیں ہر مکاں منور

وہ جس نے راہِ محمدﷺ کو دل سے اپنایا

اُسی کے دل میں سدا ہے یہ داستاں منور

جو خاکِ طیبہ سے لپٹے، وہ بن گیا روشن

کروں جو طیبہ کا ذکر، ہو میری جاں منور

ہر ایک پھول میں نکہت رسولﷺ کی پھیلی

وہ جس بھی سمت چلے، ہو گلستاں منور

حرا کی چپ میں جو چمکی وہ پہلی برقۂ نور

اسی سے آج تلک ہے یہ آسماں منور

وہ جن کے ہاتھ میں آبِ صفا کی سچائی

اُسی کے لمس سے ہیں کوہ و بیاباں منور

چراغِ بدر کی صورت جلے جو کفر کی رات

تو پھیلتے ہیں اُفق تک وہ کہکشاں منور

طلب ہے سیرتِ طیبہ سے زندگی کو سراج

جو ان کے نقش پہ چلے، وہ کارواں منور

سراج الحق