تیرے کرم سے مقدر یہاں سنورتے ہیں

 عارفانہ کلام حمد نعت منقبت

تیرے کرم سے مقدر یہاں سنورتے ہیں

تیری نگاہ سے گرتے ہوئے سنبھلتے ہیں

مہک وہاں سے گلابوں کی پھر نہیں جاتی

کسی جگہ سے جو آقاﷺ کبھی گزرتے ہیں

تمہاری مدحت و توصیف ہو گئی واجب

اسی سے قلب و نظر بے شبہ نکھرتے ہیں

پڑھو، مدام درودﷺ و سلام کے نغمے

کہ سنگدل بھی اسی سےسدا پگھلتے ہیں

تمہاری شانِ رسالتؐ سے سازِ ہستی میں

ہزار رنگ نئے زندگی میں بھرتے ہیں

یہ عظمتیں مِرے حسنینِؑ کریمین کی ہیں

کہ جن کے واسطے عرشی یہاں اترتے ہیں

انہی کے سنگِ درِ آستاں پہ بیٹھے ہیں

جسے تڑپ ہو اُسے ہی حضورؐ ملتے ہیں

سیدہ زینب سروری قادری