عارفانہ کلام حمد نعت منقبت
جب نبی زادےؑ کے ایثار کو پہچان گیا
ذہن سے تب مِرے اندیشۂ نقصان گیا
واسطہ دے تو سہی ابنِ علیؑ کا اک بار
میں نے تو جب بھی دیا میرا خدا مان گیا
وعدۂ عالمِ ارواح مجھے یاد آیا
"کربلا آج مِرا تیری طرف دھیان گیا"
سر تو دے دیتا ہے لیکن وہ علیؑ کا بیٹا
دین کا سینہ ہمیشہ کے لیے تان گیا
بس یہی کہہ کے تمام آپؐ نے حجت کر دی
ظالمو کلمہ پڑھانے کا بھی احسان گیا "؟"
اس کو کہتے ہیں مقدر کا سکندر ہونا
بے نشاں حُر تھا مگر ہو کے وہ ذیشان گیا
دل میں آقاؐ کے نواسے کی محبت لے کر
"للہ الحمد میں دنیا سے مسلمان گیا"
وقتِ افطار جو آیا نہ ہو پیاسوں کا خیال
میرا تنویر نہ ایسا کوئی رمضان گیا
تنویر جمال عثمانی
No comments:
Post a Comment