لکھوں نبی کی نعت جو سلطان نعت ہے

 عارفانہ کلام حمد نعت منقبت

لکھوں نبیؐ کی نعت جو سلطان نعت ہے

آیاتِ بَیِّنات میں عنوانِ نعت ہے

شہر نبیؐ کے کوچہ و بازار کی صدا

"ہر شعبہ حیات میں امکانِ نعت ہے"

کرتا ہوں مصطفٰیﷺ کی ثناء خوانی اس لیے

بخشش کے واسطے مِرے دامانِ نعت ہے

مولا نے ہر طرح سے نوازا ہے خوب تر

ہم جیسے خادموں پہ تو فیضانِ نعت ہے

رزقِ سخن ملے ہمیں سرکارﷺ آپ سے

قلب حزیں میں میرے بھی ارمانِ نعت ہے

بوصیری کوئی، جامی کوئی سعدی ہو گیا

احمد رضا تو ہند کا حسّانِ نعت ہے

نیر یہ کہہ اٹھا مِرے سرکارﷺ کا غلام

پڑھیے درودﷺ محفل بارانِ نعت ہے

نیر جونپوری