ہم میں گر تو رہے چاہے رہ کے نہاں

 ہم میں گر تُو رہے چاہے رہ کے نہاں

اپنا وعدہ ہے ہم بھی رہیں گے جواں

تم ملاتے ہو نظریں جھُکا کے جو یوں

کرتی ہے پھر وہاں خاموشی گُفتگو

دل کی حالت بتا کر تمہیں جانے جاں

کیا بتائیں جو ملتا ہے کر کے بیاں

ہم مکمل نہیں ایک پل بھی نہیں

تیرے بِن آج بھی اور کل بھی نہیں

خود بتا دے مجھے اب تو اے ہمنشیں

زندہ رہ پاؤں گا اب میں جا کے کہاں

تُو مصور ہے یا کوئی تصویر ہے

جو بھی ہے میرے جینے کی تدبیر ہے

مجھ کو لے چل تُو اب کوئی ایسی جگہ

پاؤں تجھ کو ہی ہر پل میں جا کے جہاں

وقت کا نہ بھروسہ نہ اب ہے یقیں

ڈرتا ہوں نہ گزر جائے یہ بھی کہیں

یہ جو پل سب سمیٹے ہیں میں نے ابھی

اڑ نہ جائے کہیں سب یہ بن کے دھواں

ہم میں گر تُو رہے چاہے رہ کے نہاں

اپنا وعدہ ہے ہم بھی رہیں گے جواں

سید محتشم رضا