عارفانہ کلام حمد نعت منقبت
ظلمتوں کا یوں ازالہ ہو گیا
آپﷺ آئے تو اجالا ہو گیا
تیرگی سارے جہاں کی مٹ گئی
روشنی کا بول بالا ہو گیا
مجھ کو عزت بھی ملی شہرت کے ساتھ
ذکرِ احمدﷺ جب حوالہ ہو گیا
رزق کھایا ان پہ جب پڑھ کر درود
پاک میرا ہر نوالہ ہو گیا
جب نظر آیا مدینہ دور سے
پھول سا پاؤں کا چھالہ ہو گیا
اس کا شاہوں سے ہے اونچا مرتبہ
جو غلامِ شاہِ والاﷺ ہو گیا
یا رسول اللہﷺ انظر حالنا
نامۂ اعمال کالا ہو گیا
خواب میں دیدار بخشا آپؐ نے
یوں کرم مجھ پر نرالا ہو گیا
آپؐ جب تنہا تھے غارِ ثور میں
پاسباں مکڑی کا جالا ہو گیا
محمد عمران تنہا
No comments:
Post a Comment