اور تو کوئی نہیں مرا مالک

 عارفانہ کلام حمد نعت منقبت

اور تو کوئی نہیں مِرا مالک

میری قسمت کا ہے خدا مالک

تیرا ہمسر نہ کوئی ثانی ہے

تِری عظمت پہ ہوں فدا مالک

دونوں عالم کا بادشاہ تُو ہے

ہے کہاں تیرے ماسوا مالک

اپنے دل کے قریب رکھنا تُو

خود سے کرنا نہیں جدا مالک

ذرہ ذرہ کا تو ہی خالق ہے

آتی رہتی ہے یہ ندا مالک

ٹال دیتا ہے تو ہی حکمت سے

جب بھی آتی ہے یہ بلا مالک

کوئی گستاخی ہو گئی گر تو

مجھ سے ہونا نہیں خفا مالک

کسی بھی حال میں رہا اشہر

نام لیتا رہا تِرا مالک

سرفراز اشہر