یہ مدح پیمبر میں لکھی نعت حسیں ہے

 عارفانہ کلام حمد نعت منقبت

یہ مدح پیمبرﷺ میں لکھی نعت حسیں ہے

مہکی ہوئی خوشبو سے تخیل کی زمیں ہے

تحفے میں لیے صلِ علیٰ عرش کھڑا ہے

آقاﷺ کے لیے عرشِ بریں زیر نگیں ہے

نظروں کو ملا نور محمدﷺ کی طرف سے

ان کے ہی تصور سے تو روشن یہ جبیں ہے

گلشن میں مدینے کے بلا لیں مجھے آقاﷺ

تتلی ہوں مدینے کی میں منزل بھی وہیں ہے

پھولوں کی مہک پائی ہے ان ہی کے کرم سے

دنیا میں محمدﷺ کا کوئی ثانی نہیں ہے

صائمہ جبین مہک