میرے کملی والے کی شان ہی نرالی ہے

 عارفانہ کلام حمد نعت منقبت

میرے کملی والےﷺ کی شان ہی نرالی ہے

دو جہاں کے داتا ہیں، سارا جگ سوالی ہے

خُلد جس کو کہتے ہیں میری دیکھی بھالی ہے

سبز سبز گنبد ہے،۔ اور سنہری جالی ہے

چاند کی طرح ان کو ہم کہیں تو مجرم ہیں

کیونکہ ان کی چوکھٹ پر چاند خود سوالی ہے

دھوپ ٹھنڈی ٹھنڈی ہے چھاوؔں مہکی مہکی ہیں

شہرِ مصطفیٰﷺ تیری بات ہی نرالی ہے

وہ بلال حبشی ہوں یا اویس قرنی ہوں

ان پہ مرنے والوں کی ہر ادا نرالی ہے

ہر طرف مدینے میں بھیڑ ہے فقیروں کی

ایکﷺ دینے والا ہے کُل جہاں سوالی ہے

ہم گناہ گاروں کو رب سے بخشوا لیں گے

ان کے رب نے کب ان کی کوئی بات ٹالی ہے

راز الہ آبادی