دکھی دلوں میں کوئی چوٹ جب ابھرتی ہے

 عارفانہ کلام حمد نعت منقبت

دکھی دلوں میں کوئی چوٹ جب ابھرتی ہے

نبیﷺ کی یاد ہی مرہم کا کام کرتی ہے

زمانہ انﷺ کو مدینہ کا چاند کہتا ہے

انہی کے نقشِ قدم سے کرن ابھرتی ہے

یہ اور بات کہ ادراک ہی نہ ہو اس کا

نبیﷺ کے عشق میں ہر سانس کام کرتی ہے

دل و نگاہ بھی کتنے حسین ہوتے ہیں

جب ان کے ذکر سے اک چاندنی اترتی ہے

حضورﷺ ان کو ہدایت ضرور فرمائیں

مِرے وطن سے پرے کافروں کی دھرتی ہے

حضورﷺ آپ کے قدموں کے دھول ہے شاہد

اسے ہوائے زمانہ خراب کرتی ہے

شاہد واسطی