وہ ہے پاس ہی گر تو آ جائے نا

 وہ ہے پاس ہی گر تو آ جائے نا

چھب اپنی نظر کو دکھا جائے نا

رہائی بھی پا کر کہاں جائے گا

پرندے سے اب تو اڑا جائے نا

یہ ڈر مجھ کو سونے بھی دیتا نہیں

کوئی خواب سوتے میں آ جائے نا

کہاں تک پیوں اشکِ غم اور ہنسوں

زہر اب یہ مجھ سے پیا جائے نا

چھپائے بھی چھپتا نہیں اس کا غم

کہوں بھی تو منہ سے کہا جائے نا

کہیں بھی چلے رنگِ الفت کوئی

بچے لاکھ کوئی بچا جائے نا

نہیں خوب شاکر تڑپنا بہت

کوئی دیکھیے چھم سے آ جائے نا

سلطان شاکر ہاشمی