روٹھا ہوا ہے آج ترا اعتبار بھی

 روٹھا ہوا ہے آج ترا اعتبار بھی

دامن بچا رہا ہے غمِ انتظار بھی

دل مجھ سے کہہ رہا ہے کہ تم آ گئے قریب

سعئ نظر ہے آج مِری شرمسار بھی

مانا تِری طلب نے دیا ہے نمو مجھے

لیکن مِرا وجود ہے تیرا وقار بھی

میرا نفس نفس ہے گئے رازِ کائنات

سہما ہوا ہے مجھ سے تِرا اختیار بھی

دورِ خزاں میں صرف گریباں ہوا تھا چاک

لیکن بہار لے گئی دامن کے تار بھی

گر بے کلی نہ ہو تو سکھائے گی کیا حیات

اک رمزِ آگہی ہے دلِ بے قرار بھی

عفت زیبا کاکوروی