انہیں مل گیا ہے ایسا دل پر سکوں کہاں سے

انہیں مل گیا ہے ایسا دل پر سکوں کہاں سے

کہ ہوا ہے عشق ان کو میرے نالہ و فغاں سے

کبھی چھپ کے دیکھ آئے تِرے حسن کی تجلی

کبھی تیری انجمن میں گئے مِل کے پاسباں سے

مجھے دردِ دل مِٹا دے، کہ فنا ہے رازِ ہستی

تو حیاتِ جاوداں ہو مجھے مرگِ ناگہاں سے

جو ہوئے بھی مجھ سے راضی تو وہ اور کے کہے سے

جو کیا بھی مجھ سے وعدہ تو دبی ہوئی زباں سے

بہ تکلفاتِ پیہم رہی حسرتِ تکلم

کہ بضد نیاز مندی ہیں خموش بے زباں سے

میرے دامن و گریباں کے لیے جنوں نے پرزے

یہی حال ہے تو فاضل میں سیوں کہاں کہاں سے

فاضل کشمیری