عارفانہ کلام حمد نعت منقبت
وہ خاتم المرسلینؐ جس نے
تمام شعبوں میں زندگی کے
عمل کے پیکر میں خود کو ڈھالا
امین ایسا
کہ خود امانت کو
اپنی قسمت پہ رشک آئے
رحیم ایسا
کہ جس کو اللہ
رحمت اللعالمیں بنائے
نعیم ایسا
کہ دونوں عالم کی نعمتیں ہیں
اسی کی چوکھٹ پہ سر جھکائے
معین ایسا
پئے عیادت
جو دشمنوں کے بھی گھر پہ جائے
علیم ایسا
کہ علم و دانش کا شہر بن کر جہاں پہ چھائے
مبین ایسا
جمالِ یوسف بھی
جس کے آگے نہ سر اٹھائے
وکیل ایسا
کہ دینِ حق جس کی عافیت میں عروج پائے
عدیل ایسا
کہ عدل و انصاف کی روح کو بھی سرور آئے
اسی کی دم سے یہ نور کا ایک سلسلہ جو
ازل سے تا ابد رہے گا
کرم سے جس کے ضرور چمکے گا ایک دن
اپنی قسمت کا بھی ستارہ
عباس رضا تنویر
No comments:
Post a Comment