دیار مصطفیٰ کی آرزو ہے

 عارفانہ کلام حمد نعت منقبت

دیار مصطفیٰﷺ کی آرزو ہے

درِ خیرالوریٰﷺ کی آرزو ہے

لگا لے آنکھ سے روضے کی جالی

یہ ان کے ہر گدا کی آرزو ہے

ملے حسنینؑ کا مجھ کو اتارا

غلامِ مصطفیٰؐ کی آرزو ہے

دکھائے راہ جو طیبہ کی مجھ کو

مجھے اس رہنما کی آرزو ہے

نہیں حسنِ عمل کچھ پاس میرے

نگاہِ مصطفیٰؐ کی آرزو ہے

الٰہی بخش دینا میری امت

یہ شاہِ انبیاءؐ کی آرزو ہے

میں ہوں بیمارِ عشقِ مصطفیٰؐ

کہاں مجھ کو شفا کی آرزو ہے

کرم کر دے خدائے پاک مجھ پر

دعا دیجے، دعا کی آرزو ہے

پڑھو صلیِ علیٰ اے داغ پیہم

یہ عشقِ مصطفیٰؐ کی آرزو ہے

داغ نیازی